تويتر ساخرا : إستبدل واحد فلول بإثنين إخوان

 

طرقع تويتر عددا من التعليقات الساخرة علي الانتخابات المصرية . لم ينس تويتر أن يركز على ضرورة تحقيق مطالب الثورة، وعدم الانصياع للمجلس العسكري، خصوصاً بعد أحداث ميدان التحرير الأخيرة.


التويترات الساخرة :

@ahmedalhasanin: بمناسبة موسم الانتخابات استبدل مرشحك من الفلول باثنين من الإخوان.. العرض ساري حتى نفاد الكميه أو التموين..


@AmrIsmail2: الإخوان بيوزعوا دعاية أمام اللجان وبيغشوا في الانتخابات.. وشعارهم الإسلام هو الحل.. ونسيوا إن الرسول قال من غشنا فليس منا.


@hanghyr: رغم كل الصعوبات اللي بتواجهنا والترخيم اللي بنواجهه لازم نروح اللجان وندي صوتنا في الانتخابات.. الثورة مستمرة مستمرة.

@fahdalmuliky: لازم الشعب المصري ينتخب كله وإلا ترك الانتخابات.. ليعود بعبع مبارك من الشباك ثاني ويفوز حلفاؤه وعملاؤه.

@moh16669: الثوار الحقيقيون هما اللي بيحموا الانتخابات بدمهم.. ممكن النهاردة يكون عندنا مشاكل وأخطاء... مش مهم بكرة نصلحها.. لازم نصحى علشان مصر بلدنا محتاجانا.

@ibrahimSalah: الشفافية والمصداقية.. اليوم نتمنى أن يكون يوم العرس الديمقراطي.. وعلى المجلس العسكري أن يثبت اليوم حياديته التامة في الانتخابات.. ونرحب بالفائز.

@Ahmed_Samirr: وانت واقف في الطابور عشان تصوت.. ادعى للشهداء اللي ضحوا بحياتهم عشان تروح لأول مرة الانتخابات.. وخلوا صوتك مسموع.. يا رب ارحم شهداء الثورة..!

@IslamNino: أنا خايف إن بعد الانتخابات يطلع علينا اللواء ممدوح شاهين يقول إن الانتخابات دي دليل على شرعية المجلس العسكري.

@toQQaa: كان نفسي يا مصر تبقى ظروف الانتخابات أحسن بكتير، وأننا نمنع الفلول بنفسينا، وأننا نبقى واثقين من نزاهة كل حاجة.

@ahmedelmoqdamy: الانتخابات دى هتودينا إلى بوابة مظلمة وكل من شارك فيها فهو يقضي على الثورة.

@Mzohdysakr: الانتخابات دي غير شرعية.. لأن المرحوم جدي لأول مرة من سنين طويلة مبقاش عنده الحق في التصويت.. فين أيامك يا ريس كنت بتراعي حتى الأموات.

@MagdyKhaly: على الله ما يقولوش إن الإقبال على الانتخابات يبقى تأيد للمجلس السمكري؟؟؟؟

@dodyfarhat: أنا بيتهيألي إن موضوع الانتخابات ده حتى لو مش ناجح بالكامل فهو فرصه لتحريك الناس ومشاركتهم ويتعلموا الإيجابية.