طبعاً كنت بالبر مع امي و اخوي و يدتي و خالاتي و بنت خالتي و العضو كويتي فللللله يكون ولد خالتي و اليهال
و الخدامات , الساعه 2 العصر الجو عجييييييب و لا أحلى براااد و هوا حلو و شمس خفيفه و صافيه و نفرش الزوالي برا علشان نقعد مع هالحب و الجاي و الحلويات و الألعاب و الجنجفه , كنا حاسبين حساب سهره عجيبه و كان آخر يوم بالمخيم لأنه خلاص بنشيل الخيام عاصفة الكويت مــــــــايو 2011 ..... قصتي <<< فـلم ....~ , و نشوف من بعيييييييييييييييييييييييد غيمه لونها أسود خفيف صورتها بتليفوني من شكلها العجيب , بس محد إهتم لها كلش , و المسجات و البي-بي و الإتصالات قامت تشتغل يقولون روحوا في عاصفه قويه يـآيـه , و على شوي شوي تقرب الغيمه و خالاتي و يدتي و الخدامات و السواويق رايحين رادين شالسالفه ؟؟؟ و يصارخون ركبوا السياره بسرعا خلوا كل شي.. يوم القيامه يوم القيامه ... انا وقفت مكاني : شالسالفه ؟؟..شسوي ... , و المخيم اللي يمنا دش بالغيمه ما ينشاف كلــش ... و خالتي بسيارتنا و انا بسيارتهم و امي بسياره و اخوي بسياره اختبصنا , انا ركبت سيارة خالتي . اخوي و كويتي فللللله قاعدين قدام و انا و خالتي و اليهال و الخدامات ورا .. و اول ما حركنا ندش بالغيمه انا حابسه دموعي و قلبي فقد الإحساس الصراحه و خالتي تتشهد و أنا وياها و الكل يصور المنظر المرعب ... طلعنا عالشارع و كأننا طايرين الأرض ما تبين و السيارات الثانيه ماتبين و لا شي يبين و الله العظيم أنا ألصق بالجام ما أشـوف شي ... و كان أقرب بيت بيتنا ... وصلنا للبيت من ورا يعني انزل امشي خطوتين اوصل للباب بس البيت بكبره مايبين والله و باليالله لقينا البآب و نزلنا واحد واحد اول شي اخوي بعدين كويتي فللللله بعدين انا ... و أنا أركض بالشارع بدش البيت دعمت الباب لوووووووول والله ما أنلام الصراحه الدنيا كلها مختفـيه و نقعد بالصاله و نشغل التيليفزيون و نتابع الأخبار و كانت الساعه 6 المغرب و داخل البيت مخنوقين من الغبار الكل يستغفر و يتشهد والله منظر مرعب حتى إني سجلت كلامهم لووووووول .... بس حسافه لو بس أعرف شلون أنزل الفديوات و الصور اللي مصورتهم .... يالله الللللللللللللللللللله لا يعيد هاليوم آمييييييييييييييييييين .......~
