بعد اعلان المجلس العسكرى ان الانتخابات الرئاسية ستكون فى يونيو القادم جاء الرد سريعا من رواد الانترنت و الفيس بوك مقترحين المواصفات المثالية التى يجب ان يتمتع بها من يشغل هذا المنصب الحساس فى تلك الفترة الصعبة
الشروط ليست صعبة وليست مستحيلة انما هى رؤية للمستقبل مع مراعاة كل الاخطاء التى وقعت فى الماضى ....
شروط ومواصفات رئيس مصر القادم :
* بيسمع كل يوم أغنية «دامت لمين» .
*بيتكلم وبيفهم إنجليزي من غير مايطرطق ودانه .
*يكون عارف إننا انتخبناه هو مش هو ومراته وابنه وجوز خالته وعمه .
*يبقي عنده فيس بوك، بس ما بيلعبش فارم فيل .
*يكون متواضع جداااا، بس مش لدرجة إنه يقعد في خيمة زي القذافي.
*مايقعدش في القصر الجمهوري، ياخدله شقه إيجار جديد.
* ياكل عيش من أبو شلن، ويشرب من مية الحنفية .
*مايكونش عمل أي ضربات جوية ولا أرضية ولا فضائية، يذل أهلنا بيها .
*ما يعطلش المرور عشان يروح مشوار، عايز يوصل بسرعة يركب طيارة.
*مايكونش راعي الرياضة والرياضيين ولا الثقافة ولا المثقفين ولا الفن ولا الفنانين ويسيب الناس دي في حالها .
*مايضحكش علينا ويروح يفتتح نفس المكان عشرين مرة .
*يبطل كلمة نشجب وندين .
*مايكونش بيصلي العيد قبل ما يبدأ وتنزل صورته وهو بيصلي في الأهرام يوم الوقفة .
فمن من مرشحى الرئاسة الحاليين تنطبق عليه تلك الشروط وعلى من يجد فى نفسه القدرة على تلبية تلك المطالب الاسراع فورا بتقديم سيرته الذاتيه للمجلس الاستشارى والمجلس العسكرى
